ശരീര ഭാരം കുറയ്ക്കാം; മോരിൽ ഈ പൊടി ചേർത്ത് കുടിക്കുക

ശരീര ഭാരം കുറയ്ക്കാനായി മണിക്കൂറുകൾ ജിമ്മിൽ പോയി കഷ്ടപ്പെടേണ്ട കാര്യമില്ല. വീട്ടിൽതന്നെ ചെയ്യാവുന്ന ചില ലളിതമായ മാർഗങ്ങളിലൂടെ ശരീര ഭാരം കുറയ്ക്കാൻ സാധിക്കും. ഹിന്ദു തമിഴ് ദിസൈ എന്ന യൂട്യൂബ് ചാനലിനു നൽകിയ അഭിമുഖത്തിൽ ശരീരഭാരം കുറയ്ക്കാനുള്ള ലളിതവും ആരോഗ്യകരവുമായ ഒരു മാർഗത്തെക്കുറിച്ച് ഡോ.ദീപ വിശദീകരിച്ചു. 

അമിത വണ്ണം എന്ന പ്രശ്നം അനുഭവിക്കുന്നവർക്ക് ഫ്ലാക്സ് സീഡ് പൊടി മോരിൽ കലർത്തി കുടിക്കുന്നത് ഗുണം ചെയ്യുമെന്ന് അവർ പറഞ്ഞു. ഫ്ളാക്സ് സീഡ് പൊടി ശരീരഭാരം നിയന്ത്രിക്കാനും ആരോഗ്യം മെച്ചപ്പെടുത്താനും സഹായിക്കും. ഫ്ളാക്സ് സീഡ് പൊടി മോരിൽ ചേർത്ത് കുടിച്ചാലുള്ള ഗുണങ്ങൾ എന്തൊക്കെയെന്ന് നോക്കാം.

Also Read: രാവിലെ ആദ്യം ചായ കുടിക്കുമ്പോൾ ശരീരത്തിന് എന്ത് സംഭവിക്കും? ഒരു ദിവസം എത്ര കപ്പ് കുടിക്കാം

1. അവശ്യ ഒമേഗ-3 ഫാറ്റി ആസിഡുകൾ

ഒമേഗ-3 ഫാറ്റി ആസിഡുകൾ ഫ്ലാക്സ് സീഡിൽ ധാരാളം അടങ്ങിയിട്ടുണ്ട്. ശരീരത്തിന് ആവശ്യമായ അവശ്യ ഫാറ്റി ആസിഡുകളാണിവ. ഈ ആരോഗ്യകരമായ കൊഴുപ്പുകൾ മെറ്റബോളിസം മെച്ചപ്പെടുത്തുകയും ശരീരഭാരം കുറയ്ക്കാൻ സഹായിക്കുകയും ചെയ്യുന്നു.

2. ഹോർമോൺ ബാലൻസ് 

ശരീരഭാരം വർധിക്കുന്നതിനുള്ള ഒരു പ്രധാന കാരണം ഹോർമോൺ അസന്തുലിതാവസ്ഥയാണ്. ഫ്ളാക്സ് സീഡിലെ ഘടകങ്ങൾ ഈസ്ട്രജൻ ഉൾപ്പെടെയുള്ള ഹോർമോണുകളെ ബാലൻസ് ചെയ്യാൻ സഹായിക്കുന്നു. ഹോർമോൺ ബാലൻസ് ശരിയാകുമ്പോൾ ശരീരഭാരം കുറയ്ക്കാനുള്ള ശ്രമങ്ങളിൽ നല്ല പുരോഗതി കാണാൻ കഴിയും.

Also Read: ലൈംഗിക ബന്ധത്തിന് ശേഷമുള്ള യോനി വേദന സാധാരണമാണോ? ഡോക്ടറെ കാണേണ്ടത് എപ്പോൾ?

3. ആന്റിഓക്‌സിഡന്റുകൾ

ഫ്ലാക്സ് സീഡ് ശക്തമായ ആന്റിഓക്‌സിഡന്റുകളാൽ നിറഞ്ഞിരിക്കുന്നു. ശരീരത്തിലെ വീക്കം കുറയ്ക്കുന്ന ഗുണങ്ങൾ ഇതിനുണ്ട്. ശരീരത്തിലെ ആന്തരിക വീക്കം ശരീരഭാരം കുറയ്ക്കാൻ തടസമാകും. ഫ്ലാക്സ് സീഡ് പൊടി കഴിക്കുന്നതിലൂടെ ഈ വീക്കം കുറയ്ക്കാനും ശരീരഭാരം എളുപ്പത്തിൽ നിയന്ത്രിക്കാനും കഴിയും.

View this post on Instagram

A post shared by Hindu_Tamil (@hindu_tamil)

Also Read: പ്രമേഹമുള്ളവർക്ക് എല്ലാ ഡ്രൈ ഫ്രൂട്ട്സും കഴിക്കാമോ? ഏതൊക്കെ ഒഴിവാക്കണം

ഫ്ളാക്സ് സീഡുകൾ വറുത്തശേഷം പൊടിച്ചെടുത്ത് ഒരു സ്പൂൺ മോരിൽ കലർത്തി ദിവസവും കുടിക്കുന്നതാണ് നല്ലത്. മോര് സ്വാഭാവികമായും ദഹനത്തെ സഹായിക്കുകയും ഫ്ളാക്സ് സീഡുകളുടെ പോഷകങ്ങൾ ശരീരത്തിലേക്ക് ആഗിരണം ചെയ്യാൻ സഹായിക്കുകയും ചെയ്യുന്നു. ഈ ആരോഗ്യകരമായ പാനീയം ദൈനംദിന ഭക്ഷണത്തിൽ ഉൾപ്പെടുത്തുക. ശരീര ഭാരം കുറയുന്നതിൽ വലിയ മാറ്റം കാണാൻ കഴിയുമെന്നും ഡോ.ദീപ അഭിപ്രായപ്പെട്ടു.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക. 

Read More: ഈ 5 ഭക്ഷണങ്ങൾ ഒരിക്കലും കഴിക്കാറില്ല; 20 വർഷത്തെ അനുഭവപരിചയമുള്ള കാർഡിയോളജിസ്റ്റ്